Жазушы, журналист, қоғам қайраткері

Мархабат Байғұт

БІР АУЫЗ СӨЗ...

Әр адамның өз табиғаты болады.

Әр ұрпақ өз сөзін, өз ойын білдірмегі жөн ғой.
Дегенмен бізге дейінгі бабалар бәрін айтып та, жазып та кеткендігін де естен шығармағанымыз абзал-ау.

Әрбір қазақтың, әрбір қазақстандықтың Астананы ардақ тұтпағы – азаматтық, адамдық парыз. Астана – бәріміздің сүйікті кентіміз. Мақтанышымыз.

Өркениетін жоғалтқанымен көркем ниетін жоғалтпаған қазақ халқынан әлі-ақ небір дарында жазушылар шығады. Әдебиет ешқашан өлмейді.

“Ұлысымның ұйытқысы – Оңтүстік” акциясының мақсаты – облыс халқының Астана, Алматы қалаларында тұратын республиканың көрнекті, неғұрлым дарынды да талантты ақын-жазушылармен қауышулары арқылы жұртшылықты, әсіресе, жастарды елжандылыққа, отансүйгіштікке, кітапқұмарлыққа тәрбиелеу, көркем әдебиетті, өнердің өзге де түрлерін терең насихаттау, қаламгерлер мәртебесін, ұлысымыздың, ұлтымыздың ұйытқысы ретіндегі Оңтүстіктің абырой-беделін көтеруге септесу.